👉 Pledge your support 👉 Join the Movement

Dhanotsav ke manch tak ka pehla kadam

Video Banate Samay Dhyan Rakhein

  • Mobile ko seedha (khade) rakhein
  • Aapka chehra saaf dikhai de
  • Awaaz saaf honi chahiye
  • Roshni achhi honi chahiye
  • Dil se baat kariye, yaad kar kar nahi
  • Video 2 minute ke andar rakhiye

* Aavedan jama karne ke baad aapko apna video pitch jama karne ke page par bheja jayega

* Aage badhne ke liye kripya niyam aur sharten se sehmat hon

Video pitch margdarshika

Apna 2 minute ka video banaiye aur Dhanotsav Season 2 ke liye apply kijiye

Video mein sirf in 4 baaton ka jawab dijiye

01

Aap Kaun Hain Aur Kya Kaam Karti Hain?

  • Apna naam bataiye
  • Apna gaon / jila / rajya batayein
  • Apne vyavasay ka naam ya kaam batayein
Udaharan

Main Shilpa Devi, Bihar se hoon. Mera vyavasay "Shandaar Achaar" hai — main ghar par achaar banati hoon aur bechti hoon.

02

Aapne Yeh Safar Kaise Shuru Kiya?

  • Vyavasay shuru karne ki kahani batayein
  • Kitne samay se yeh kaam chal raha hai
  • Sabse badi chunauti kya thi aur aapne kaise face kiya
Udaharan

Maine ghar se bahut kam paise ke saath shuru kiya tha. Pehle sirf padosiyon ko becha, phir dheere-dheere customer badhaye.

03

Aaj Aap Kahan Pahunchi Hain?

  • Aaj vyavasay ki haalat kya hai
  • Mahine ki bikri ya aamdani (agar batana chahein)
  • Sabse badi upalabdhi kya hai
  • Sthaniya pratispardha ke baare mein kuch batayein
Udaharan

Ab mahine ki bikri lagbhag 25,000 hai. Maine 3 aur mahilayon ko kaam diya hai. 10 km ke andar sirf main yeh kaam karti hoon.

04

Aapka Agla Sapna Kya Hai Aur Aap Dhanotsav Mein Kyon Aana Chahti Hain?

  • Aap apna vyavasay kahan tak le jana chahti hain
  • Dhanotsav se aapko kya madad chahiye
Udaharan

Main apne utpaad poore Bharat tak pahunchana chahti hoon. Mujhe lagta hai Dhanotsav mujhe sahi manch aur madad dega.

Sabse Zaroori Baat

Humein aapke vyavasay ke saath-saath aapki kahani, aapka hausla, aapki mehnat aur aapke bade sapne dekhne hain.

Dhanotsav Season 2 mein pitch karne ki aapki baari hai